Essus quella trombetta! Nanca pu
sul fa dell amattina pos dormì,
d’ora in ora l’è chi come ona sveja…
me sera just carpiaa, voltava via
pena, pena on’ideja
e… tracch… quella trombetta besiosa!

Tucc riven chi… la tosa
che se galena… el pader che se spara…
ah, caro ti… el tombon… viva el tombon
de San March… viva i temp d’Ara-Bell’Ara

…Te dormet eh … te dormet… inpastada
de sogn te see… de quand t’hoo cognossuda,
semper insormetida te se stada..
…anca a vess dessedada,
la vita come mi… ha quel fas stringa
della ghirba a tirà
sira!… pàrlomen minga!

PubblicitÀ

Poesie Correlate