Il sito si avvale dell'utilizzo dei cookie per finalità legate al funzionamento di alcuni servizi come riportato nella sezione cookie privacy policy.
Navigando il nostro sito acconsenti all'utilizzo dei cookie. ACCETTO - COOKIE PRIVACY POLICY
Link Sponsorizzati

Advs


Nòt int la val - Bruno Pasini

Poesia Nòt int la val di Bruno Pasini Su 'na lama d'arzént disgnàda da la luna

In ordine per Autore
ABCDEFGHIJKLMNOPQRSTUVWXYZ

In ordine per Titolo
ABCDEFGHIJKLMNOPQRSTUVWXYZ


Nòt int la val (Bruno Pasini)

Su 'na lama d'arzént
disgnàda da la luna
la slissa la mié barca pian su l'aqua
calma dla val.
Silénzzi intóran,
sól al sdundlàr dil cann,
che il ciàcara sótvós
col vént alziér dla nòt.
E mi a són chi,
sóta l'incànt dla luna,
con i mié òcc che i fissa
un orizónt luntàn
ch'al's pèrd int l'infinìt.
Dóv è ch'l'am porta chi-sta barca muta,
qual èl al pòrt ch'm'aspèta?
Dio, ti che t'esìst,
ti che da sémpr' at tgnóss
al nùmar grand dil fój e ad tuti il smént
che il créss e pó il sa spànd
par far vérda la tèra;
ti che da l'Élt at guid
i muvimént dla luna e d'j àltar stéll,
che il zira int i grand spazzi
sgónd a n'órdan precìs,
dimm che còs è ch'm'aspèta
ad dlà d'stal mónd salvàdagh
fat ad misèria e d'svój;
dimm se s'la riva dal grand fium dla nòt
a tréma incóra il fój
al prim sbruflòt ad vént,
o se 'l rusgnòl al canta da la siév.
Scóltam ti, Dio,
bùtam un ségn,
un pìcul ségn,
prima che un àltra nòt
la cuna int al silénzzi
chi-stal mié vód camìn.
Guàrdam adèss, a són n'ómbra dla nòt,
móstram la lùs!
Ma mi cum póssia,
cum póssia mai mi védarla?
Da témp, mié Sgnór, al vént giazzà dla mòrt
l'à butà la sò zzéndar
su i spalpiér di mié òcc,
di mié pòvr' occ ch'in sa àltar che piànzar.
Ma ti t'esìst e adèss mi at sént;
at sént con st'vént
ch'al ssnuma la mié man
ciamàndm' a la preghiéra,
e at sént incóra
dal tarmulàr dil cann,
che il sóna al mié urécc
c'mè 'l còrd d'un'arpa amiga.
Adèss mi al sò, al vént l'è la tò vós...
Più in là d'sta val,
più in là dal mar,
óltr' i cunfìn dal témp,
mi a purtarò sta barca
a la tò riva, Dio!


Commenta

PubblicitÀ




Pubblicità

Statistiche
Data: 09/03/21
Ora: 01:26:56
Ip: 44.192.10.166
Utenti On Line: 4










W3Csites.com Valid CSS! Valid HTML 4.01! Powered by DB Mysql! Powered by Php! Powered by Apache!

Risorse Gratuite. Tutti i diritti riservati. Vietata la riproduzione anche parziale dei contenuti presenti sul sito.
Risorse Gratuite © 2004 - 2021. Leggi Disclaimer - Cookie Privacy Policy - Contatti